شباب العالم ... على ارض السلام بشرم الشيخ

إصدارات الدار :  موقع الإصدار نسخة   PDF  
الصفحة الرئيسية فيسبوك
رئيس مجلس الإدارة
سعد سليــــــم
رئيس التحرير
عبد النبي الشحات
15- نبض الشارع
      #سمواتي
      لكل البنات انا عندي بس سؤال
بقلم: سماء عماد
 

عندك فكرة ايه الفرق بين شغلك وشغل جوزك؟؟
الفرق في كلمة واحدة وباختصار شديد هو
"شيل الهم"
انتي كزوجة سواء بشتغلي او ست بيت بتعيشي اليوم بيومه ... كل يوم مطلوب منك شوية tasks مش بستهين بيها نهائيا، بس مهما كانت شاقة فانتي مش مطلوب منك غير إنك تنجزي الأعمال دي بشكل كويس وانتهى الأمر✋
أما الزوج فالشغل بالنسباله مش مجرد مجموعة tasks بيعملها بياخد مقابلها فلوس وإنما الزوج أثناء ماهو مفحوت في شغله بيبقى شاغل باله هو هيوصل لفين كمان خمس عشر سنين ... طب هيقدر يوفر لبيته حياة كريمة ولا لأ، هيقدر يسد الديون اللي عليه ولا لأ، يا ترى هيفضل بصحته ويقدر يشتغل بقية حياته ولا لأ، وهيحصل ايه لو جراله حاجة أو فقد صحته في يوم من الأيام، هيصرف عليكم منين وهيقوّم بيته ازاي ...
فشل الراجل في شغله ووضعه المادي مرتبط عنده بهويته هيا دي ال identity بتاعته واللي يقولك انتو والبيت اهم عندي من شغلي يبقى كداب في أصل وشه😊 لإن دي غريزة وفطرة..ممكن لو عايزين تقروا في الموضوع ده بتعمق اكتر اقروا كتاب
Act like a lady think like a man
لو فشل في شغله ووضعه المادي فهو بالنسباله فشل في كونه يبقى راجل ... متخيلة حجم الضغط وال load؟..لا وياسلام بقى ياسلام لو بتشتغلي ومرتبك أعلى منه وهوا دماغه مش كبيرة او عالأقل يقدر يتفهم ده ويبص عالمصلحة العامة منغير ما احساس الرجولة والسيطرة يسيطر عليه شخصيا ويسيطر علينا كلنا يموتنا😂...جحيم بقى ..
أما احنا لو بنشتغل فبنبقى عارفين كويس إننا عندنا حرية إننا نسيب الشغل في أي وقت ومفيش حد يقدر يقوللنا تلت التلاتة كام مهما كان حجم شغلنا، لأننا في الأول والآخر مش مسؤولين عن البيت من الناحية دي.
مش قصدي بالكلام ده إني أقلل من قدر تعبك في شغلك وبيتك، وإنما هدفي إنك تفهمي ليه الموضوع بالنسبة للراجل شكله صعب لدرجة إنك بتستغربي وبتقارني نفسك بيه وبتقولي بكل بساطة: وايه يعني؟ ماهو بيشتغل وأنا كمان بشتغل.
لا، انتي عمر ما شغلك هيبقي زي شغل زوجك حتى لو شغالين في نفس المهنة ونفس المكان.
وعمر ما المرأة تدرك صعوبة مسؤولية الزوج إلا لو بقت مكانه في يوم زي إنها تبقى مطلقة أو أرملة ومسؤولة عن بيت وأطفال ومفيش حد جنبها ... ساعتها بس هتعرف زوجها كان شايل عنها حمل عامل ازاي، وبرضه مش هتدرك الحمل ده زي ما زوجها كان مدركه وشايل همه.
وهو ده جزء من معنى حديث النبي صلى الله عليه وسلم "ولو كنت آمرا أحدا أن يسجد لأحد لأمرت المرأة أن تسجد لزوجها" تفتكروا ليه بقى؟؟!
لو فهمتي الكلمتين دول، هتفهمي ليه الراجل بيرجع من شغله بيبقى مش طايق حتى يشيل الطبق اللي أكل فيه أو الكوباية اللي شرب فيها بالرغم إنك شايفاهم حاجات بسيطة وإهمال منه، لأنه بس بيبقى محتاج يفصل شوية من المدعكة النفسية اللي هو فيها عشان يقدر يواصل معافرة في الدنيا وقرفها.
طبعا ده مش مبرر للزوج من مساعدة زوجته، والنبي صلى الله عليه وسلم كان يكون في مهنة أهله بالرغم إنه كان أثقل الناس هما، وإنما بحاول بس أساعدك تفهمي نفسية الراجل اللي انتي بتبقي واقفة قدامها عاجزة عن التفسير ويمكن منظورك يختلف فقدرتك على الخناق والمشاكل تقل😉
خليكي أنثى زي ما ربنا خلقك... ارضي بدورك وقدري دور زوجك واشكري نعمة ربنا عليكي عشان يحفظهالك ويباركلك فيها.❤الزوج المسؤول رزق
ارجوكوا متسترجلوش وتحطوا راسكو براس اللي معاكو حياتنا مش ناقصه هم على همومنا
يا نتجوز ونبقى سوا نهاونها على بعض يا الله غني عن الأعباء النفسية الزيادة دي..اختارتي حد وبتحبيه ومقتنعه بيه عيشوا سوا بطريقتكو وبال input المادي بتاعكو انتو الاتنين بحلوه ووحشه بكتره بقلته..دي متعة في حد ذاتها بس للناس اللي مبتستسهلش وللناس اللي بتفهم😊

 
      monday 12/06/2017 12:15
اقرأ أيضا
 
لا يشكر الله من لا يشكر الناس
 
ليس في طاقة أمريكا
 
فضفضة قلب
 
العزلة الأمريكية
 
القدس عاصمة إسرائيل
أخر الأخبار
 
القليوبية تكرم طالبتين لفوزهما ببطولة كأس العالم للكاراتية بإسبانيا
 
رئيس حي روض الفرج: العقارات المنهارة"ملهاش ملفات عندنا"
 
الأمم المتحدة وشركاؤها يطلقون خطة لدعم 5 ملايين لاجئ سوري
 
الإعادة تحسم الانتخابات فى كليتي التربية الرياضية والعام بجامعة السادات
 
السكة الحديد: سقوط عجلة من البوجى الامامى لجرار في محطة سوهاج
 
الرئيسية
 
سياسة
 
اقتصاد
 
رياضة
 
تعليم
 
الخدمات التعليمية
 
تكنولوجيا
 
حوادث
 
أوتو
 
سياحة
 
صحة وجمال
 
القراء
 
عين على الشارع
 
متغربين
 
الخط الساخن
 
فنون
جميع الحقوق محفوظة © دار التحرير للطبع و النشر - 2015 إدارة نظم المعلومات