شباب العالم ... على ارض السلام بشرم الشيخ

إصدارات الدار :  موقع الإصدار نسخة   PDF  
الصفحة الرئيسية فيسبوك
رئيس مجلس الإدارة
سعد سليــــــم
رئيس التحرير
عبد النبي الشحات
15- نبض الشارع
      #سمواتي
      هيا ناس كتير بقت بتطلق ليه؟؟!
بقلم: سماء عماد
 

طاقة انهم يبقوا على بعض ويحافظوا على بيتهم والكيان اللي مفروض اتمرمطوا عشان يعملوه قلت واختفت راحت فين؟ خصوصا طلاق حديثي الزواج..ايه الاستسهال اللي بقيتوا فيه ده؟!
نظريا وعمليا بشكل كبير (الطلاق) بيجي من 3 مشاكل، مادية أو جنسية أو خيانة زوجية...بس للأسف مش ده اللي بيحصل اليومين دول.
بشكل شخصي بصنف الحب أنه شعور أناني جداا..طاقة عملاقة وقوية جدا سهل جدا تتقلب من طاقة إيجابية إلى طاقة سلبية في لحظة خناق وعلى أد ما بتحب على أد ما بتكره.
أكيد الجواز المبني على الحب حلو 😊 حلو بس مش كفاية أنه يقوم بيت..الجواز ده التزام طويل الأمد
Long life decision and commitment
وده أساسا مبقاش لا أسلوب ولا نمط حياتنا ✋
الحياة اللي بنعيشها اليومين دول حياة ماسخة بتركز أكتر حاجة على الاعتزاز بالنفس وال Ego... انت تستحق/تستحقي أحسن حاجة في الدنيا..انت لازم تبقى/تبقي حاجة كبيرة..متقبلش أقل من اللي في خيالك فتفوتة حتى..انتي 1000000 واحد يتمناكي...يا ابني البنات مش لاقية شاور انت بس وهكذا ، وكل وسائل التواصل الاجتماعي بتساعد وبتركز أوي على شحن غرورنا أكتر مهو مشحون أصلا : اسمك، صورتك،شغلك،رأيك،اهتماماتك، ال followers بتوعك، وده يسقفلك وده يطبلك، كل الدنيا بتلف وتدور حواليك او حواليكي فمبقاش عندنا استعداد لا نتقبل او نتنازل عن اي حاجة تيجي على ال comfort zone بتاعنا.
الراجل اللي اتجوز عشان شهوة بيزهق،واللي اتجوزت عشان أمان لقت نفسها مش محتاجاه احنا ما شاء الله بقينا بنعرف نعمل كل حاجة دي ممكن تبقى بتعمل فلوس أكتر منك كمان..فالحب الأناني اتلغى وجيه بداله سمة العصر (التغيير).
الحب بمعناه السماوي ومدلوله الحقيقي بينقسم إلى سكينة و مودة و رحمة..لازم تبقى لشريك حياتك صديقه الصايع وكاتم اسراره،تخرجوا وتطبخوا وتعكوا وتتخانقوا وتربوا وتتربوا من الاخر تبقوا اصحاب لازم تبقوا سكن وستر وغطا،بتحكوا لبعض مش بس المشاكل لا يومكم وحكاياتكم وأسباب سعادتكم وخنقتكم،هدوء كدة ومحبة وكسر غروركم قدام بعض مش معركة هيا أصلها..وأخيرا لازم تبقوا رحماء، يوم ما تلاقيها تعبانة شيل إنت ويوم ما يبقى غلطان فوتيله..حققوا المعنى الحقيقي للكلام وطبقوه،الكلام سهل لكل الناس بس الأفعال للأبطال الحقيقة 👍.
احنا في زمن قل فيه تحمل المسؤولية وكتر فيه تكبير الدماغ..احيانا بشوف الناس خصوصا الشباب معذورين..يعني في ظل الظروف دي لما بلاقي ولد هيقدم على الخطوة دي بشوفه اد ايه قوي وشجاع الحقيقة..احنا بنلاقي نفسنا جوه الجواز واحنا مش عارفين معنى الالتزام لإن زماننا وظروفنا غير زمن أهالينا.
فكر في شريك حياتك بمنطق سكينة و مودة ورحمة وبالراحة على نفسكوا شوية استهدوا بالله 😊

 
      wednesday 12/04/2017 22:04
اقرأ أيضا
 
لا يشكر الله من لا يشكر الناس
 
ليس في طاقة أمريكا
 
فضفضة قلب
 
العزلة الأمريكية
 
القدس عاصمة إسرائيل
أخر الأخبار
 
السكة الحديد: سقوط عجلة من البوجى الإمامى لجرار فى سوهاج
 
الأمم المتحدة وشركاؤها يطلقون خطة لدعم 5 ملايين لاجئ سوري
 
الإعادة تحسم الانتخابات فى كليتي التربية الرياضية والعام بجامعة السادات
 
السكة الحديد: سقوط عجلة من البوجى الامامى لجرار في محطة سوهاج
 
مستشار أبو مازن: الفصائل الفلسطينية في تنسيق مستمر منذ قرار ترامب
 
الرئيسية
 
سياسة
 
اقتصاد
 
رياضة
 
تعليم
 
الخدمات التعليمية
 
تكنولوجيا
 
حوادث
 
أوتو
 
سياحة
 
صحة وجمال
 
القراء
 
عين على الشارع
 
متغربين
 
الخط الساخن
 
فنون
جميع الحقوق محفوظة © دار التحرير للطبع و النشر - 2015 إدارة نظم المعلومات